Pas publikimit të videos së një rasti të rëndë ngacmimi në një lokal në Kamëz, ku një burrë u denoncua për sjellje të turpshme ndaj një qytetareje, ka ardhur edhe reagimi i parë nga familja e tij.
Një vajzë, që thotë se është e bija e personit në video, i është drejtuar redaksisë me një mesazh ndjesë publike, ku kërkon falje për gjestet e babait të saj dhe sqaron se ai ndodhej në gjendje të rënduar nga alkooli. Ajo shprehet se familja po kalon një situatë të rënduar psikologjike dhe kërkon mirëkuptim për fshirjen e videos.
Më poshtë, reagimi i plotë i saj:
“Përshëndetje! Jam vajza e personit në video. Doja të kërkoja falje si fillim për gjestet e pahijshme të babait tim 😔
Ai ka qenë në gjendje shumë të dehur dhe s’ka qenë i vetëdijshëm për veprimet e bëra. Do ju lutesha shumë ta fshini atë postim pasi jemi në një gjendje tepër të rëndë psikologjike. Uroj të kemi mirëkuptimin tuaj 😔😔”
