Ditën e djeshme, JOQ ALBANIA denoncoi kushtet skandaloze në godinën e Agjencisë Doganore në Portin e Durrësit.
Ndërtesa, e cila u inaugurua vetëm një vit më parë, ishte kthyer në një ambient të papërshtatshëm si për punonjësit, ashtu edhe për qytetarët që frekuentojnë institucionin.
Mungesa totale e shërbimeve sanitare, përfshirë pastruese dhe kosha për mbeturina, e kishte degraduar godinën përtej çdo standardi higjienik, duke e kthyer në një problem serioz për të gjithë ata që punojnë apo kanë nevojë për shërbimet doganore.
Pas denoncimit në JOQ ALBANIA, duket se drejtuesit e institucionit janë “zgjuar nga gjumi”. Që në orët e para të mëngjesit të sotëm, në ambientet e godinës janë parë pastruese të angazhuara për pastrimin dhe sistemimin e hapësirave, në një përpjekje për të përmirësuar situatën.
Punonjësit e Agjencisë Doganore thonë se denoncimi publik i ka prekur në sedër dhe sot kanë sjellë pastruese.
“Shumë faleminderit per postimin se i vute ne seder autoritetin e portit na sollen pastruese”
