Një shpërthim ka ndodhur mbrëmë pas mesnate në diskotekën “Gate”, në rrugën “Epiri” në Prishtinë.
Rastin e ka konfirmuar zëdhënësi i Policisë së Kosovës në Prishtinë, Agron Borovci.
Sipas tij, shpërthimi është raportuar rreth orës 02:45, ndërsa nuk raportohet për persona të lënduar.
“Policia menjëherë ka dalë në vendin e ngjarjes dhe ka ndërmarrë të gjitha veprimet e nevojshme kundrejt situatës. Nga informacionet fillestare, nuk raportohet për të lënduar”, ka thënë Borovci.
Ai shtoi se në koordinim me prokurorin e shtetit, është iniciuar një hetim për veprën penale “Shkaktim i rrezikut të përgjithshëm” dhe hetimet janë duke vazhduar për zbardhjen e plotë të rrethanave që lidhen me rastin.
