Një ngjarje tragjike është regjistruar sot në fshatin Kutalli, të Dimalit, ku një 51-vjeçar ka humbur jetën tragjikisht në rrethana aksidentale.
Viktima është identifikuar si Altin Hajdari, i cili po shembte një mur rrethues në banesën e tij kur struktura është rrëzuar dhe e ka zënë poshtë. Familjarët e dërguan menjëherë në Spitalin Rajonal të Beratit, por mjekët konfirmuan se ai kishte mbërritur pa shenja jete.
Trupi i tij është dërguar në morg për autopsi mjeko-ligjore, ndërsa në vendngjarje kanë mbërritur forcat e policisë së DVP Berat, që po hetojnë për zbardhjen e plotë të rrethanave të kësaj ngjarjeje.
