Banorët e Brrarit denoncojnë 20 vite pa rrugë, ujë të pijshëm e kanalizime, duke akuzuar komunën Dajt dhe Bashkinë Tiranë për mashtrim.
Brrari, një fshat piktoresk vetëm 7 kilometra nga Tirana, mbetet i izoluar pavarësisht afërsisë me kryeqytetin.
Banorët ecin në rrugë të shkatërruara me gropa, pluhur dhe baltë. Asnjë makineri nuk ka hedhur asfalt që nga viti 2005.
Pa rrugë të rregullta, ambulanca heziton të hyjë, ndërsa fëmijët shkojnë në shkollë me çizme gome edhe në verë.
Prej dy dekadash rubinetat qëndrojnë bosh; banorët mbushin bidonë në burimet e kodrës ose blejnë ujë të shtrenjtë.
Ndërkohë, ujërat e zeza derdhen në përrenj të hapur, duke rrezikuar shëndetin e fëmijëve dhe duke ndotur tokat bujqësore.
“Ju lutem postojeni! Fshati Brrar 7 km nga Tiranë, 2 km nga Fundjavë Ndryshe. Jemi lodhur me mashtrimet e Komunës Dajt dhe me Bashkinë Tiranë. Kemi 20 vjet pa rrugë të asfaltuar, pa ujë të pijshëm. Pa kanalizime të ujërave të zeza.” -deklaron një prej banorëve.
Banorët kërkojnë që institucionet të miratojnë një buxhet urgjent për asfaltimin, rrjetin e ujit dhe ndërtimin e kanalizimeve. Ata paralajmërojnë se dimri mund t’i izolojë sërish.
