Redaksia e JOQ solli para publikut rastin tronditës ku një 67-vjeçar nga Kafaraj ekzekuton një qen, duke sfiduar haptazi ligjin.
Gazetarët tanë në JOQ publikuan pamjet që tregojnë një akt barbar në fshatin Kafaraj. Ngjarja tronditi komunitetin dhe ndezi reagimin e menjëhershëm të lexuesve.
Qytetari i alarmuar shkruante: “Jam ankuar disa herë te Policia e Fierit për komshiun tim që na dhunon”. Ai vazhdonte: “Ka tre armë gjahu, pi shumë alkool dhe askush nuk e ndal”.
Menjëherë pas publikimit, Policia e Fierit nisi verifikimin në terren. Oficerët identifikuan autorin përmes pamjeve dhe dëshmive të komshinjve.
Në pranga përfundoi 67‑vjeçari Nj. L., i cili dyshohet se qëlloi nga oborri i shtëpisë qenin e pafajshëm. Fqinjët tregojnë se ai shpesh qarkullon i dehur dhe mburret me arsenalin e tij.
Policia sekuestroi tre armët e gjahut dhe ia dorëzoi Prokurorisë si prova materiale. Hetuesit ngritën akuzën për “Vrasje me dashje të kafshës së shoqërimit” kundër tij.
Drejtoria Vendore e Policisë Fier falënderon median tonë dhe qytetarët që denoncojnë akte të tilla. Ne, si redaksi e JOQ, vazhdojmë të publikojmë çdo rast për të mbrojtur kafshët dhe sigurinë publike.
Reagimi i policisë:
Drejtoria Vendore e Policisë Fier
Menjëherë pas publikimit të disa pamjeve, në portalin “JOQ”, në të cilat shfaqet momenti ku një kafshë shtëpiake (qen) është qëlluar me armë gjahu, shërbimet e Komisariatit të Policisë Fier kanë kryer veprimet procedurale për identifikimin dhe nxjerrjen përpara përgjegjësisë penale, të autorit të vrasjes së kafshës. Si rezultat i veprimeve për këtë rast, u shoqërua autori i dyshuar, shtetasi Nj. L., 67 vjeç, banues në fshatin Kafaraj, i cili dyshohet se ka qëlluar me armë gjahu nga ambienti i banesës së vet, një kafshë shtëpiake (qen). Në përfundim të veprimeve u referuan materialet në Prokurori ku nisi procedimi penal për këtë shtetas, për veprën “Vrasja me dashje e kafshës së shoqërimit”. Drejtoria Vendore e Policisë Fier falënderon median dhe qytetarët, për denoncimin e rasteve të tilla, si dhe i fton të vijojnë t’i denoncojnë, për të kontribuuar në mbrojtjen e kafshëve.
