Një ngjarje tragjike ka ndodhur këtë mëngjes në fshatin Fushë-Milot, ku një burrë 78-vjeçar ka humbur jetën nga një zjarr që shpërtheu ndërsa ai po digjte mbeturina në oborrin e shtëpisë së tij. Viktima është identifikuar si Demer Haxhiu, dhe, sipas informacioneve, zjarri ka dalë jashtë kontrollit dhe ka kapluar trupin e tij, duke shkaktuar fatkeqësinë.
Shërbimet zjarrfikëse të Laçit janë njoftuar për ngjarjen dhe kanë mbërritur shpejt në vendin e ngjarjes, ku kanë ndërmarrë veprimet për shuarjen e flakëve. Grupi hetimor është ngjitur gjithashtu në vend, duke nisur hetimet për të sqaruar plotësisht rrethanat e ngjarjes dhe shkakun e shpërthimit të zjarrit.
