Banorët e një zone pranë stadiumit të qytetit të Vlorës kanë ngritur shqetësimin e tyre për sigurinë publike, pas bllokimit të trotuarëve nga biznese të huaja. Pavarësisht masave të marra nga qeveria për lirimin e hapësirave publike, banorët thonë se italianët që kanë hapur biznese në zonë po zënë gjithçka, duke detyruar qytetarët, përfshirë fëmijët, të kalojnë në rrugë, ku rreziku nga trafiku i rënduar është i pranishëm gjithmonë.
Denoncimi:
Pershendetje JOQ kam nje shqetesim shume te madh,kam shtepine te pallati perball Stadiumit ne Vlore ne nje zone qe eshte super e ngarkuar dhe nuk mjafton gjithe rremuja qe shkaktojne makinat,por vin Italianet bejne bisnes ne Vlore dhe rrethojne gjithe trotuarin.Femijet dhe ne detyrohemi te kalojme ne rruge. Qeveria ka mar masa per lirimin e hapsirave publike po kur i zene te huaj nuk meret asnje mase.Kemi frike te lem femijet te dalin posht se duhet te kalojne ne rruge!
Qytetarët janë të shqetësuar se autoritetet lokale nuk po ndërhyjnë për të zgjidhur këtë problem, duke lënë të huajt të bllokojnë hapësirat që janë të domosdoshme për sigurinë e këmbësorëve. Ata kërkojnë masa të menjëhershme dhe një mbështetje më të madhe për të garantuar lirinë e përdorimit të trotuarëve dhe sigurinë e fëmijëve.
Kjo situatë është bërë e padurueshme për banorët dhe ata kërkojnë që autoritetet të reagojnë më shpejt për të ruajtur sigurinë dhe mirëqenien e qytetarëve, veçanërisht fëmijëve që rrezikojnë çdo ditë të kalojnë në rrugë për shkak të mungesës së hapësirave të sigurta për ecje.
