Qyteti i Vlorës ka mbetur pa energji elektrike dhe ujë që nga ora 11:00 e mëngjesit të sotëm, më 15 korrik. Lungomare, një nga zonat më të frekuentuara dhe të vizituara nga turistët, ka mbetur pa ndriçim dhe furnizim me ujë, duke shkaktuar shqetësim dhe kaos për bizneset dhe pushuesit.
“Vlora e bukur sot date 15 korrik pa uje dhe pa drita. Qe prej ores 11:00, lungomare pa drita dhe pa uje. Restorantet, hotelet, shtepite, bizneset, pushim...”, shkruan banorja.
Një banore shkruan se restorantet, hotelet dhe dyqanet janë të detyruara të operojnë nën kushte të vështira, duke mos pasur mundësi për të ofruar shërbime adekuate klientëve. Edhe banorët e qytetit janë ndjerë të prekur, pasi shumë prej tyre kanë mbetur pa ujë për konsum dhe përdorim.
Shërbimet publike, përfshirë restorantet dhe hotelet, janë detyruar të ndalin aktivitetet e tyre dhe të përballen me pasojat e humbjes së energjisë dhe furnizimit me ujë. Të gjithë prisnin që situata të përmirësohej shpejt, por ende nuk ka një njoftim zyrtar lidhur me kohën e rikthimit të shërbimeve.
