Në Gjykatën Themelore të Ferizajt pritet të mbahet sot seanca gjyqësore ndaj Valon Aliut, i cili dyshohet se më 12 prill 2024 vrau ish-gruan e tij, Erona Cokli, pranë Qendrës për Punë Sociale në Ferizaj.
Ngjarja tragjike ndodhi pikërisht në momentin kur palët ishin takuar për të parë djalin e tyre. Aliu dyshohet se e qëlloi të ndjerën me armë zjarri në kraharor, dhe më pas plagosi vëllain e saj në krahun e djathtë.
Pasi Erona kishte tentuar të largohej, ai dyshohet se e kishte goditur edhe një herë në gjoks, dhe më pas në anën e majtë të kokës, duke i shkaktuar vdekjen.
Për këtë vrasje të rëndë, Aliut iu bë ekzaminim psikiatrik në Institutin e Psikiatrisë Forenzike, i cili konkludoi se ai ishte në gjendje të mirë mendore.
Sot, me kërkesë të avokatit të familjes Cokli, në gjykatë është thirrur të dëshmojë mjeku Arsim Gashi – psikiatri që kreu ekzaminimin e Aliut.
