Në Ambasadën Shqiptare në Athinë, situata është përkeqësuar ndjeshëm për qytetarët që kërkojnë shërbime konsullore. Njerëzit, përfshirë fëmijë dhe të moshuar, janë duke pritur për orë të tëra pa marrë asnjë shërbim, ndërkohë që shumë prej tyre kanë mbyllur takime të caktuara, por nuk po i merr njeri në shqyrtim. Kjo situatë ka krijuar shqetësim për ata që kanë nevojë për dokumente ose ndihmë urgjente.
Denoncimi:
Kjo eshte situata ne Ambasadën Shqiptare ne Athine. Ku njerëzit femije, pleq presin me ore te tera pa ju dhene shërbim dhe pse mbyllin takime nuk i merr njeri ne shqyrtim. Na thuhet nuk kemi personel, personeli eshte me pushime.
Sipas qytetarëve, arsyeja e këtij problemi është mungesa e personelit. Ata janë informuar se një pjesë e stafit është në pushime dhe kjo ka rënduar edhe më shumë procesin. Shumë vizitorë ankohen se shërbimi konsullor është në një gjendje të papranueshme dhe kërkojnë ndërhyrjen urgjente të autoriteteve për të përmirësuar kushtet dhe shërbimet që ofrohen nga Ambasada Shqiptare në Athinë.
