Një ngjarje e rëndë ka ndodhur në lagjen "Kushtrimi", ku rreth orës 11:40, një shtetase e mitur 17 vjeçe është paraqitur në spital në gjendje të rëndë shëndetësore, pasi dyshohet se ka kryer vetëplagosje me armë zjarri pistoletë në banesën e saj.
E reja është transportuar menjëherë për ndihmë mjekësore, ndërsa grupi hetimor ka nisur punën për të zbardhur plotësisht rrethanat e ngjarjes dhe për të sqaruar nëse ka pasur ndonjë faktor të jashtëm që ka çuar në këtë akt të rëndë.
“Sot, rreth orës 11:40, është paraqitur në spital, në gjendje të rëndë shëndetësore, një shtetase e mitur 17 vjeçe, e cila dyshohet se është vetëplagosur me armë zjarri pistoletë, në banesën e saj, në lagjen “Kushtrimi”. Grupi hetimor po punon për sqarimin e plotë të rrethanave të ngjarjes”, bën të ditur policia.
