Pas raportimit se banorët e Thethit kanë reaguar ashpër ndaj punonjësve të IKMT-së të cilët prej disa ditësh po prishin ndërtimet pa leje në zonë, këto pamje janë shpërndarë me shpejtësi në rrjetet sociale nga reagimi i policisë.
Në video duket një efektiv i cili në panik e sipër rrëmben armën dhe merr pozicion për të kuptuar se nga erdhi sulmi. Disa të tjerë shihet teksa largohen me shpejtësi për të shmangur pasojat.
Pak më parë u raportua se banorët e zonës kanë kundërshtuar forcërisht shembjen e godinave që kanë ndërtuar për turizëm, pasi në grup kanë sulmuar fadromat e IKMT me molotov dhe mjete të forta.
Drejt Thethit janë nisur dhe efektivë të FNSH-së për të menaxhuar më mirë situatën.
