Një incident raportohet të jetë regjistruar pasditen e sotme në Theth, mes banorëve të zonës dhe punonjësve të IKMT-së që janë duke shembur prej disa ditësh ndërtimet pa leje.
Sipas të dhënave paraprake, banorët janë përplasur me punonjësit e IKMT-së duke sulmuar me molotov dhe gurë fadromat që po shembnin objektet e qëndrimit. Molotov thuhet se është vendosur dhe te e ashtëquajtura ura e “Gjelaj” për të penguar përparimin e fadromave.
Deri më tani nuk raportohet për të lënduar në njerëz, por vetëm dëme materiale. Policia ka ndërhyrë për të kapur autorët, ndërkohë që drejt Thethit janë nisur dhe disa grupe të Forcave të Ndërhyrjes së Shpejtë.
