Dy shtetas të Turqisë, një mashkull dhe një femër, janë arrestuar mëngjesin e djeshëm, pasi tentuan të udhëtojnë me pasaportë të falsifikuar.
Rasti ka ndodhur në aeroportin “Adem Jashari”. Sipas njoftimit të policisë, i dyshuari mashkull, gjatë kontrollit, ka prezantuar pasaportë me emrin e një personi tjetër.
Ndërkaq, e dyshuara femër, ka prezantuar pasaportë franceze, që po ashtu ishte në emër të dikujt tjetër.
Policia bën të ditur se të dyshuarit janë dërguar në mbajtje.
Rasti është iniciuar si “Falsifikim i dokumentit”
