Një akt heroik është regjistruar në plazhin e Velipojës, ku disa pushues kanë shpëtuar jetën e një të riu nga Kosova që rrezikoi të mbytej nga dallgët.
I riu kishte hyrë në det në kushte jo të favorshme, por papritur nisi të kërkonte ndihmë, duke u përballur me valë të fuqishme. Disa persona që ndodheshin në shezllona u hodhën menjëherë në ujë dhe, me vendosmëri, arritën ta nxjerrin në breg.
Pak minuta më pas mbërriti edhe ambulanca, e cila i dha ndihmën e parë mjekësore. Për fat të mirë, i riu është jashtë rrezikut për jetën.
Ky rast është një dëshmi se solidariteti dhe trimëria ekzistojnë ende në brigjet tona.
