OpenAI po përballet me një krizë të brendshme pasi Meta ka filluar një fushatë të fortë për të tërhequr talent nga radhët e saj. Vetëm gjatë javës së fundit, Meta ka punësuar të paktën tetë studiues të OpenAI për ekipin e saj të ri të superinteligjencës, duke shkaktuar shqetësim të madh në drejtuesit e OpenAI. Si përgjigje, kompania ka vendosur t’u japë punonjësve një javë pushim të detyrueshëm, me shpresën se kjo do të ndihmojë në uljen e stresit dhe do të forcojë besnikërinë e tyre.
Shefi i kërkimeve të OpenAI, Mark Chen, në një mesazh të brendshëm e përshkroi situatën si “një ndjesi sikur dikush ka hyrë në shtëpi dhe ka vjedhur diçka”. Ai dhe Altman po punojnë pa pushim për të përmirësuar kushtet e punës dhe për të rishikuar shpërblimet financiare, por konkurrenti i tyre ofron shifra marramendëse, përfshirë bonuse hyrëse deri në 100 milionë dollarë. Drejtues të tjerë kanë kërkuar që stafi të mos ndikohet nga presioni i ofertave të menjëhershme nga Meta dhe të marrin vendime me kujdes.
Ka edhe shqetësime që Meta do të përfitojë nga java e pushimit për të rritur presionin ndaj punonjësve që të kalojnë në radhët e saj. Përtej pamjes së jashtme, lufta për të ndërtuar inteligjencë artificiale të nivelit njerëzor është bërë një garë e ashpër për talent dhe ndikim, duke nxjerrë në pah pasigurinë dhe tensionin në zemër të dy prej kompanive më të fuqishme në këtë fushë. OPEN AI ka urdhëruar një pushim javor të detyrueshëm prej një jave, por nuk është bërë e ditur data e saktë.
