Tre anëtarë të ekipit mbrojtës nga gjykimi për krime lufte e krime kundër njerëzimit kanë nisur prej kohësh të merren me rastin e tentim-pengimit të drejtësisë.
Për këtë të fundit, dy nga ta po punojnë falas për Hashim Thaçin.
Mungesa e mjeteve financiare është vetëm njëra prej arsyeve pse ish-presidenti i kërkoi Gjykatës që procedura ndaj tij për aktakuzën e dytë të veçohet nga katër të bashkë-akuzuarit.
Mbingarkesa me dy gjykime njëkohësisht, gjatë vjeshtës është tjetri shkak.
Por, kjo iu refuzua. Gjyqtarja e procedurës paraprake, Marjorie Masselot nuk mendon njësoj si avokatët, se Thaçit mund t’i rëndohet situata në vjeshtë me paraqitjen e dëshmitarëve të mbrojtjes.
