Një 80-vjeçar është raportuar i humbur nga familjarët, pasi është parë për herë të fundit ditën e djeshme në zonën e Kthesës së Kamzës, pranë Pallateve të Verdha. Bëhet fjalë për Suljeman Dervishin, i cili ka dalë nga banesa dhe nuk është kthyer më.
Në momentin që është parë për herë të fundit, ai kishte veshur tuta dhe bluzë me ngjyrë të errët, si dhe shapka blu. Familjarët janë të shqetësuar dhe u bëjnë apel të gjithë qytetarëve që mund ta kenë parë ose kanë informacion për vendndodhjen e tij, të kontaktojnë menjëherë në numrin e telefonit 069 78 1 8080.
Çdo informacion mund të jetë vendimtar për gjetjen e tij.
