Tregu i plazhit, një hapësirë prej vitesh e njohur për tregtarët dhe banorët, është mbyllur dhe burime në zonë hedhin dyshime se në vend të tij do të hapet rruga për ndërtimin e një pallati.
Burime në terren raportojnë se prona, është shfrytëzuar më parë për tregti sezonale, ndërsa tani pronarët thuhet se janë detyruar të largohen me marrëveshje, duke përfituar të ardhura nga shitja.
Banorët shprehen të indinjuar për humbjen e një tregu të nevojshëm për komunitetin, ndërsa institucionet ende nuk kanë dhënë një qëndrim zyrtar mbi procedurat e lejes së ndërtimit.
