Një qytetar i është drejtuar redaksisë sonë për të raportuar një rast peshkimi të pazakontë në zonën e Dibrës.
Dy persona, njëri prej të cilëve në video thërritet me emrin “Tit Kavasani”, kanë shtrirë rrjetat dhe kanë peshkuar çfarë u ka dalë para.
Por qytetari që ka dërguar pamjet e ka të paqartë nëse ky lloj peshkimi është i lejuar në këto zona, të cilat konsiderohen ujëra të brendshëm (lumenj, liqene).
“A është normale ky lloj peshkimi?” pyet qytetari, duke pasur parasysh se rrjeta mund të shkaktojë një dëm të konsiderueshëm në ekosistem, duke kapur dhe peshq të përmasave të vogla, të cilët nuk lejohen të peshkohen.
Sipas rregullores së peshkimit, në lumenj lejohet vetëm peshkimi sportiv me grep, pasi të peshkatarët të jenë pajisur me leje përkatëse nga autoritetet kopetente, ndërsa peshkimi me rrjeta është i ndaluar.
