Një ngjarje tragjike ka ndodhur në Itali. Shqiptari Gëzim Iljazi, 59 -vjeç, banues në provincën e Rovigos ka humbur jetën. Vdekja e tij erdhi pasi u rrëzua nga një lartësi prej rreth 100 metrash në mal.
Mediat italiane shkruajnë se në momentin e aksidentit, 59-vjeçari po ngjiste i vetëm rrugën pranë ujëvarave të Stulles, në provincën e Bolzanos.
Dëshmitarët okularë treguan se fillimisht panë të binte çanta e tij dhe më pas vetë viktima. Në vendngjarje ndërhynë forcat e policisë, karabinierët, një helikopter dhe ekipet e shpëtimit, por, Iljazi humbi jetën.
