Një zjarr i përmasave të mëdha ka shpërthyer pak minuta më parë në zonën e Plazhit në Durrës, pranë tregut të njohur të zonës.
Flakët kanë përfshirë një hapësirë të konsiderueshme ku ndodhen disa biznese, ndërsa forcat zjarrfikëse kanë mbërritur në vendngjarje dhe po punojnë për neutralizimin e flakëve.
Ende nuk dihen shkaqet e zjarrit, as nëse ka persona të lënduar apo dëme të mëdha materiale. Autoritetet pritet të japin më shumë informacion në orët në vijim.
