Një qytetar i është drejtuar redaksisë sonë për të denoncuar një rast abuzimi me pikat e karburantit në vendin tonë, dhe për të pyetur qytetarët nëse u ka ndodhur ndonjëherë e njëjta gjë.
Ai tregon se shkoi për të furnizuar makinën e tij, e cila ka një sarbator me kapacitet 60 litra. “I thashë punëtorit mbushe plot, hodhi 68 lita! Si ka mundësi, i ka ndodhur dikujt tjetër kjo?” pyet qytetari.
“Prsh joq. I thash nje puntori te nje karburant nga keta te famshit ma mbush plot dhe une sarbatorin e kam 60 litra ai me hodhi 68 litra. Si ka mundsi? I ka ndodh dikujt tjeter kjo? A bejne kontrolle keta qe kane per detyre neper karburante apo percillen me ndonje kafe sic ndodh rendomte ne Shqiperi?” thotë ai.
Qytetari ngre shqetësimin e mundësisë së abuzimeve me pompat e karburanteve, teksa thotë se çmimi është ndër më të shtrenjtët. Ai pyet nëse ka ndonjë institucion që i kontrollon veprimtarinë këtyre pikave të karburantit, apo ato lihen të lira të abuzojnë me qytetarët?
“Mire qe e paguajme me shtrenjt se cdo shtet tjeter po keta ta fusin dhe ne peshore. Funksionon me ky shtet i korruptuar? A bejne kontrolle keta qe paguhen me taksat tona?” përfundon ai.
