Një ditë më parë, JOQ Albania raportoi mbi kushtet skandaloze të sigurisë në të cilat punonin punonjësit e Velierës në qytetin e Durrësit. Ata shiheshin duke punuar në lartësi të konsiderueshme, pa kokore, pa jelekë apo pajisje të tjera mbrojtëse, duke rrezikuar seriozisht jetën.
Pas publikimit të rastit, duket se kompania që kryen punimet ka reaguar, duke pajisur punonjësit me kokore dhe veshje mbrojtëse. Megjithatë, ky reflektim nuk erdhi si rezultat i kontrollit institucional, por nga presioni publik.
Inspektorati Kombëtar i Punës, i cili ka për detyrë të mbikëqyrë kushtet e sigurisë në punë, vazhdon të qëndrojë pasiv, i mbyllur në zyra me ajër të kondicionuar, pa ndërmarrë asnjë veprim konkret për të parandaluar rreziqet në terren.
Përgjegjësia për këto kushte bie mbi institucionet që shpeshherë mjaftohen me kontrolle formale, duke neglizhuar realitetin në kantierë.
Nga ana tjetër, edhe vetë punëtorët duhet të tregohen më të ndërgjegjshëm dhe të mos pranojnë të punojnë pa kushte bazë sigurie.
Vetëm nëpërmjet një ndërgjegjësimi të përgjithshëm dhe një reagimi serioz institucional, mund të arrihet të ulet numri i aksidenteve dhe fataliteteve në vendin e punës.
Një ditë më parë, JOQ Albania raportoi mbi kushtet skandaloze të sigurisë në të cilat punonin punonjësit e Velierës në qytetin e Durrësit. Ata shiheshin duke punuar në lartësi të konsiderueshme, pa kokore, pa jelekë apo pajisje të tjera mbrojtëse, duke rrezikuar seriozisht jetën.… pic.twitter.com/bEw1q4qMwx
— JOQ Albania (@JoqAlbania) June 27, 2025
