Vetëm 18 muaj pas hyrjes në përdorim, ChatGPT po ndikon ndjeshëm në mënyrën e të shprehurit. Një analizë e realizuar nga instituti Max Planck me mbi 280 video të kanaleve akademike në You Tube tregon se AI ka ndikuar në fjalorin dhe strukturën e të folurit. Disa fjalë kyçe që përdoren shpesh nga vetë ChatGPT janë shtuar me mbi 50% në përdorimin e përditshëm nga njerëzit.
Një tjetër analizë nga Universiteti i Stanfordit thekson se fjalori ynë po pëson transformim të heshtur duke reflektuar një lloj përthithje të gjuhës së inteligjenes artificiale. Fjala që del më shpesh nga algoritmet e ChatGPT është "thellim", një term që përdoret për thellim dijesh, marrëdhëniesh apo njohurish dhe shihet si një sinjal dallues që zbulon përdorimin e AI në një tekst.
Një studim tjetër nga MIT Media Lab ngre shqetësimin për ndikimin e kësaj teknologjie në arsimimin dhe zhvillimin mendor. Sipas ekspertëve përdorimi i tepruar i ChatGPT për ese, detyra kursi apo përmbledhje po redukton funksionet mendore të studentëve duke kufizuar aftësinë për të menduar në mënyrë të pavarur dhe për të nxënë në mënyrë aktive.
