Në aksin nacional Prrenjas -Librazhd është regjistruar një aksident i rëndë. Më konkretisht ngjarja ka ndodhur rreth orës 17:05 në vendin e njohur si “Lokali i Zenelit”.
Aksidenti ka përfshirë tre automjete, duke shkaktuar plagosjen e tre qytetarëve, mes tyre një person që ndodhet në gjendje të rëndë shëndetësore.
Nga përplasja janë shkaktuar gjithashtu dëme të konsiderueshme materiale, teksa të lënduarit janë transportuar me urgjencë drejt spitalit nga shërbimi i ambulancës.
