Një incident shqetësues është raportuar sot nga një qytetar, i cili ka konstatuar se tërshera e markës “Teuta”, që do konsumonte për mëngjes, ka dalë me krimba.
Pasi ka mbushur pjatën me tërshërë dhe qumësht, ai ka vënë re krimbat e dalë mbi sipërfaqe. Ndërkohë kur ka hapur paketimin dhe e ka hedhur në një pjatë tjetër ka vënë re edhe krimba të tjerë.
Ky rast ngre dyshime dhe shqetësime serioze mbi cilësinë dhe sigurinë e produkteve ushqimore në tregun shqiptar.
Sipas qytetarit, tershera ishte e blerë nga një ditë më parë dhe prania e krimbave tregon mungesë të standardeve të higjienës gjatë procesit të prodhimit, magazinimit ose transportit.
Konsumatori shprehu zhgënjim të thellë dhe frikë për shëndetin e familjes së tij.
Autoritetet përkatëse duhet të ndërmarrin veprime urgjente për të hetuar rastin, duke kryer inspektime në objektet ku prodhohet, magazinohet dhe shpërndahet tërshëra.
