Një moment i pazakontë ka ndodhur gjatë një ceremonie zyrtare në Poloni, ku u inaugurua një kamion i ri zjarrfikës. Siç e kërkon tradita, shishja e shampanjës duhet të thyhet në mjetin e ri për fat të mbarë — por këtë herë, tradita hasi në rezistencë të fortë!
Shishja refuzoi të thyhej, pavarësisht përpjekjeve, duke shkaktuar një skenë komike që bëri të qeshin të pranishmit dhe më pas u bë virale në rrjetet sociale. Në vend që të shpërthente në një festë tradicionale, momenti u kthye në një spektakël të papritur, ku “fajtore” ishte një shishe kokëfortë.
Pamjet nga vendngjarja tregojnë zjarrfikësin teksa përpiqet ta përplasë shishen, por pa sukses. E gjithë skena është shoqëruar me duartrokitje, batuta dhe shumë të qeshura.
Mesa duket, ndonëse janë të aftë të përballojnë flakët më të rrezikshme, zjarrfikësit polakë nuk ishin gati për sfidën e një shisheje shampanje!
