Në një zhvillim që tronditi themelet e diplomacisë botërore, Shqipëria ka vendosur të ndërhyjë “fuqishëm” në konfliktin mes Iranit dhe Izraelit, jo me armë, as me mbështetje ushtarake, por me një konferencë për shtyp ku u lëshuan dhe urdhëra.
Presidenti Bajram Begaj, i frymëzuar nga vendosmëria e Kombeve të Bashkuara për të mos bërë asgjë efektive, i dha Iranit një ultimatum të ashpër: I bëjmë thirrje Iranit të ndalojë programet bërthamore dhe balistike dhe të përmbushë detyrimet e tij në përputhje me ligjet ndërkombëtare.
Deklarata tronditi... opinionin publik shqiptar, ndërsa Irani, në një gjest mosmirënjohjeje të thellë, vazhdoi konfliktin sikur të mos kishte dëgjuar asgjë. Megjithatë, Shqipëria qëndron e palëkundur në rolin e saj të paanshëm dhe globalisht të padëgjuar si superfuqi morale.
