Një zjarr masiv është regjistruar në afërsi të fshatit Palokastër, Bashkia Gjirokastër. Bëhet me dije se flakët kanë përfshirë kodrën e fshatit, duke rrezikuar një banesë aty pranë. Zjarri ka shkrumbuar rreth 3 hektarë kullota dhe shkurre, teksa deri tani shkaku i zjarrit mbetet ende i panjohur.
Në vendngjarje kanë mbërritur 12 zjarrfikës, 2 automjete zjarrfikëse dhe dy automjete mbështetëse të cilat punuan duke hedhur ujë dhe me mjete pompa shpine lopata të gomuara për të izoluar zjarrin deri në fikjen e plotë të tij.
