Pas denoncimit në JOQ ALBANIA, policia e Shkodrës ka bllokuar mjetin tip “Range-Rover” që lëvizte në breg të detit.
Ky automjet që kryente manovra të rrezikshme në zonën e rërës, duke rrezikuar sigurinë e pushuesve në plazhin e Velipojës, është bllokuar menjëherë pas denoncimit në JOQ ALBANIA dhe shqetësimeve të pushuesve.
Përveç bllokimit të mjetit, drejtuesi ka marrë masë administrative, gjobë.
Njoftimi i policisë:
Manovra të rrezikshme në plazh – Bllokohet mjeti në Velipojë
Një automjet që kryente manovra të rrezikshme në zonën e rërës, duke rrezikuar sigurinë e pushuesve në plazhin e Velipojës, është bllokuar menjëherë.
Policia e Shtetit, në bashkëpunim me Policinë Bashkiake, ndërhyri me shpejtësi për ndalimin e mjetit dhe vendosjen e masave administrative ndaj drejtuesit.
Nuk do të tolerohet asnjë rast që cenon sigurinë dhe qetësinë e pushuesve. Strukturat janë të angazhuara për të garantuar rend dhe siguri gjatë gjithë sezonit turistik.
