Në vazhdën e luftës Izrael-Iran, mbyllja e Ngushticës së Hormuzit është duke u shqyrtuar seriozisht nga autoritetet iraniane.
Këtë e bëjnë të ditur mediat iraniane, duke cituar deklaratat e Esmail Kosarit, anëtar i komisionit parlamentar për sigurinë në Teheran.
Kujtojmë se ngushtica e Hormuzit, që ndodhet midis Omanit dhe Iranit, është pika më e rëndësishme në botë për transportin e naftës.
Irani mund të aktivizojë aleatët e tij rajonalë, si Hezbollah në Liban apo milicitë pro-iraniane në Irak dhe Siri. Nëse kjo ndodh, konflikti mund të shtrihet në një luftë me shumë fronte.
Izraeli, i përgatitur për luftë shumëdimensionale, do të përgjigjej ashpër dhe me kapacitet të lartë shkatërrues, sidomos në Liban dhe Siri.
Kjo do ta bënte rajonin e Lindjes së Mesme jashtëzakonisht të paqëndrueshëm dhe mund të rrezikojë përfshirjen edhe të SHBA-ve dhe Rusisë në mënyrë indirekte.
