Një qytetar ka raportuar një ngjarje tronditëse që ka ndodhur te pallatet “Çabej” në Tiranë, ku një qen i komunitetit është helmuar qëllimisht. “Te pallatet Çabej Tiranë e kanë helmuar një qen,” shkruan denoncuesi, i cili kërkon që ky rast të mos kalojë në heshtje.
Siç shihet nga pamjet e dhimbshme, qeni përpëlitet në mëshirë të fatit, i shtrirë në rrugë. Nuk dihen ende rrethanat, por vetë fakti tregon për një realitet të hidhur që po përsëritet në zona të ndryshme të qytetit.
Ky është një pasqyrim i mungesës së ndërgjegjes dhe zbatimit të ligjit për mbrojtjen e kafshëve. Shumë kafshë të rrugës jetojnë në mëshirë të fatit, dhe akte të tilla nuk mund të kalojnë në heshtje pa pasoja. I bëhet thirrje institucioneve përkatëse që të hetojnë ngjarjen dhe të marrin masa konkrete.
Dhuna ndaj kafshëve është krim, dhe duhet trajtuar si i tillë. Heshtja i jep dorë autorëve, teksa reagimi është detyrim. Aktet e tilla nuk mund të tolerohen. Nuk mund të lejohet që urrejtja dhe dhuna ndaj kafshëve të bëhen normale.
Helmimi i një qenieje të pafajshme është një krim që duhet të ndëshkohet. Heshtja na bën bashkëfajtorë.
