Thethi, një prej perlave natyrore të Alpeve shqiptare dhe destinacion i preferuar për turistët e huaj, po përballet me një problem serioz mjedisor.
Kazanët e mbeturinave janë të mbushur tej mase, askush nuk kujtohet t’i pastrojë ndërsa kafshët, ushqehen brenda tyre.
Një grup turistësh nga Belgjika, të cilët vizituan Thethin ditën e djeshme, shprehën habinë dhe zhgënjimin e tyre për gjendjen në terren.
“Është e tmerrshme, kuajtë mes mbeturinave”.
Banorët lokalë dhe bizneset turistike kërkojnë ndërhyrje urgjente nga Bashkia Shkodër, duke theksuar se mungesa e pastrimit po dëmton imazhin e zonës dhe rrezikon ekonominë e vendit.
