Çunat e Beratit janë kthyer nga emigrimi, por nuk kanë harruar punët e fshatit. Me Audin A7 të blerë me punë e kursime, i janë futur transportit të kashtës. Makinën luksoze e kanë kthyer në ‘kamion’ të vogël, se puna nuk pret. Kush tha që Audi nuk bën për në arë?
Njëri prej tyre shkruan: “Përshëndetje JOQ! Shikoni çfarë ndodh në Berat! Audi A7 i vitit 2016 po përdoret për të ngarkuar balla kashte. Kush tha që nuk është makinë pune?! Faleminderit dhe vazhdoni punën e mirë që bëni!”
Epo, mesa duket, kur kthehesh nga emigrimi me rroba firmato dhe makinën luksoze, nuk harrohet as toka e babës. Vetëm se tani traktori është me tapiceri lëkure dhe Bluetooth.
