Edi Rama është nisur drejt Shteteve të Bashkuara të Amerikës për të marrë pjesë në dasmën e Aleks Soros, djalit të miliarderit George Soros. Ceremonia martesore do të mbahet më 14 qershor, ku Aleks Soros do kurorëzojë lidhjen me Huma Abedin, ish-këshilltaren e Hillary Clinton.
Kjo vizitë e Ramës në SHBA përkon me një datë të rëndësishme për Partinë Socialiste, 12 qershorin, që shënon 34-vjetorin e themelimit të saj. Por ndryshe nga vitet e tjera, këtë vit mungon çdo aktivitet festiv për përvjetorin e PS-së, çka lidhet pikërisht me mungesën e Ramës.
Burime pranë selisë rozë bëjnë me dije se festa e përvjetorit do të organizohet pas rikthimit të Ramës në Shqipëri.
