Një denoncim shqetësues ka nxjerrë në dritë një veprimtari alarmante që rrezikon ndjeshëm mjedisin dhe shëndetin publik në Shkodër. Bëhet fjalë për kompaninë e mishit të pulave “Driza”, e cila sipas pamjeve të dërguara në redaksinë e JOQ Albania, shihet se hedh mbetjet e fabrikës dhe të produkteve të saj drejtpërdrejt në ujërat e Liqenit të Shkodrës.
Në videon e denoncuesit, një automjet i kompanisë shfaqet i parkuar buzë lumit, i pozicionuar me pjesën e pasme nga uji, ndërsa një punonjës hap dyert e mjetit dhe derdh mbetje të ngurta, të cilat duket qartë se janë mbetje nga përpunimi i pulave. Këto hedhje të papërgjegjshme jo vetëm ndosin rëndë ekosistemin e liqenit, por edhe përbëjnë rrezik të madh për përhapjen e infeksioneve dhe ndotjen e ujërave.
“Përshëndetje JOQ! Ju lutem publikojeni çfarë po ndodh me Liqenin e Shkodrës! Mbetjet e pulave dhe të fabrikës hidhen direkt në ujë,” shkruan qytetari që ka dërguar videon, i alarmuar nga ajo që ka parë.
Ky veprim përbën një shkelje të rëndë të ligjeve për mbrojtjen e mjedisit dhe kërkon ndërhyrje të menjëhershme nga autoritetet përgjegjëse.
Kompania ‘Driza’ hedh mbetjet e pulave në Liqenin e Shkodrës
— JOQ Albania (@JoqAlbania) June 11, 2025
Një denoncim shqetësues ka nxjerrë në dritë një veprimtari alarmante që rrezikon ndjeshëm mjedisin dhe shëndetin publik në Shkodër. Bëhet fjalë për kompaninë e mishit të pulave “Driza”, e cila sipas pamjeve të dërguara… pic.twitter.com/BPr1n4NlLx
