Një ngjarje tragjike ka tronditur qytetin e Grazit në Austri, ku dje humbën jetën 11 persona si pasojë e një sulmi të armatosur në një shkollë nga një 21-vjeçar.
Mes viktimave ishte edhe Lea Bajrami, një vajzë 15-vjeçare me prejardhje nga Kosova.
Lajmin për vdekjen e Leas e kanë konfirmuar familjarët e saj, të cilët kanë shpërndarë në rrjete sociale një fotografi të saj, ku ajo shihet e veshur me fanellën e Kosovës.
“Pusho e qetë, engjëlli jonë i familjes, LEA💔. Lea jonë humbi jetën shkaku i sulmit terrorist sot në Graz të Austrisë!”, ka shkruar Eroll Bajrami, një nga familjarët e saj.
Autoritetet austriake ende janë duke hetuar motivet e sulmit, i cili ka lënë të lënduar edhe dhjetëra të tjerë.
