Një kamionçinë është përfshirë nga flakët pasditen e kësaj të marte në zonën e Pulariut në Sarandë, duke rrezikuar shoferin dhe përdoruesit e tjerë të rrugës.
Siç shihet dhe në pamje, shoferi nuk e kishte vënë re se ngarkesa me dyshekë kishte marrë flakë dhe vazhdoi rrugën derisa iu bë shenjë nga shoferët e tjerë të ndalonte. Zjarri u shua nga qytetarët me bidona uji.
Fatmirësisht, incidenti shkaktoi vetëm dëme materiale dhe jo lëndime në njerëz.
Mesazhi i denoncuesit:
“Ngarkesa me dyshekë mori flakë në lëvizje në Sarandë, Pulariu. Qytetarët e shuan zjarrin me bidona uji. Makina dhe njerëzit shpëtuan pa lëndime.”
