Dogana e Kosovës ka njoftuar sot se ka konfiskuar një veturë të tipit BMW, e cila kishte më shumë se një vit që qarkullonte në territorin e Kosovës pa kryer asnjë procedurë të rregullt doganore.
Sipas njoftimit zyrtar, automjeti ishte identifikuar si pjesë e një operacioni të rregullt kontrolli, gjatë të cilit doganierët kanë konstatuar shkelje të drejtpërdrejta të legjislacionit doganor.
“Dogana e Kosovës ka identifikuar dhe konfiskuar një automjet që kishte mbi 1 vit që qarkullonte në territorin e Republikës së Kosovës pa asnjë procedurë të rregullt doganore. Automjete të tilla paraqesin shkelje të drejtpërdrejtë të legjislacionit doganor dhe shmangie të obligimeve financiare. Dogana monitoron qarkullimin e automjeteve dhe ndërmarrë masa ndaj çdo shkeljeje të konstatuar”, thuhet në komunikatën e lëshuar.
