Një thirrje për ndihmë po shpërndahet këto ditë për 43-vjeçarin Arben Rrahmani nga fshati Pleshinë i Ferizajt, i cili ndodhet në gjendje kritike në një spital në Itali.
Prej më shumë se dy javësh, Arbeni është i shtruar në repartin intensiv dhe është diagnostikuar me probleme të rënda shëndetësore: dështim kardiak kongjestiv, hipertension të rëndë pulmonar dhe BPCO emfizematoze – sëmundje që kanë prekur rëndë zemrën dhe mushkëritë e tij.
Sipas mjekëve, shpresa e vetme për mbijetesë është një transplant urgjent i zemrës dhe mushkërive, ndërsa kostoja për këtë ndërhyrje jetike arrin në 240 mijë euro – shumë të papërballueshme për familjen.
Familjarët i bëjnë thirrje gjithë qytetarëve, institucioneve dhe komunitetit mërgimtar të tregojnë solidaritet dhe të ndihmojnë me aq sa munden. Çdo kontribut, sado i vogël, mund të bëjë ndryshimin midis jetës dhe vdekjes. KLIKO KETU, LINKU PER NDIHMË
