Është konfirmuar rasti i parë i Murtajës së Ruminantëve të Vegjël (PPR) në territorin shqiptar.
Sëmundja është identifikuar në një fermë për mbarështimin e dhive në njësinë administrative Postribë, në qarkun Shkodër ku janë marrë masa të menjëhershme për izolimin dhe asgjësimin e krerëve të infektuar.
Autoritetet veterinare kanë konfirmuar se ferma është vënë në karantinë që nga data 3 qershor dhe sot ka nisur procesi i eliminimit të kafshëve të sëmura, ndërkohë që zona është izoluar në një rreze prej 3 dhe 10 kilometrash.
“Kjo është hera e parë që murtaja shfaqet në vendin tonë. Lëvizja e kafshëve është ndaluar në territorin e Shkodrës dhe Malësisë së Madhe. Sëmundja nuk transmetohet te njerëzit, por kërkon masa të rrepta për ndalimin e përhapjes”, tha.
Murtaja e dhive dhe deleve (PPR) është një sëmundje shumë ngjitëse mes kafshëve të imta, por nuk është zoonotike, çka do të thotë se nuk përbën rrezik për shëndetin e njerëzve. Drejtori i Shërbimit Veterinar u bëri thirrje të gjithë fermerëve të tregohen të kujdesshëm dhe të njoftojnë menjëherë autoritetet veterinare nëse konstatojnë shenja të sëmundjes në bagëtitë e tyre, si: temperaturë e lartë, rrjedhje nga hundët, inflamacion i syve, ulje oreksi, diarre apo ngordhje të papritura.
