Një ngjarje e rëndë ka ndodhur pasditen e sotme në fshatin Qinam të Ersekës, ku një 66-vjeçar ka humbur jetën pasi dyshohet se është goditur nga një rrufe.
Viktima, shtetasi me inicialet A. A., ishte duke punuar tokën kur ka marrë goditjen fatale që i kushtoi jetën. Hetuesit po punojnë për të zbardhur më shumë detaje rreth ngjarjes së rëndë, që ka pikëlluar të afërmit dhe banorët e zonës.
Njoftimi i policisë:
Ersekë/Informacion paraprak! Rreth orës 18:30, në fshatin Qinam, Ersekë, dyshohet se si pasojë e goditjes nga rrufeja, ka ndërruar jetë shtetasi A. A., 66 vjeç, i cili ishte duke punuar në tokën në pronësi të tij. Grupi hetimor ndodhet në vendngjarje dhe po punon për sqarimin e rrethanave të rastit.
