Një zjarr i madh përfshiu gjatë natës një spital për të moshuar në Hamburg të Gjermanisë, duke shkaktuar vdekjen e tre personave të moshuar, të moshës 84 deri në 87 vjeç. Ngjarja ndodhi në Marienkrankenhaus, rreth mesnatës, në katin e parë të godinës, ku ndodhej edhe vatra e zjarrit.
Përveç viktimave, rreth 50 persona u plagosën, ndërsa tre prej tyre ndodhen në gjendje kritike për jetën. Disa pacientë, që kishin vështirësi në lëvizje, u nxorën jashtë nga ekipi i zjarrfikësve përmes korridoreve të spitalit, ndërsa autoritetet punuan me shpejtësi për të shmangur përhapjen e flakëve në pjesët e tjera të ndërtesës.
Zjarrfikësit e kontrolluan situatën para se ajo të bëhej edhe më tragjike, ndërsa policia ka nisur një hetim për të zbuluar shkaqet e zjarrtë. Ende nuk është bërë e ditur se çfarë e shkaktoi zjarrin.
