Të shtunën e 31 majit u regjistrua një ngjarje tragjike në Tiranë. Konkretisht në rrugën “Brigada VIII” në kryeqytet, një punëtor ndërtimi humbi jetën pasi ra nga një lartësi gjatë punës në një pallat në ndërtim. Shtetasi i huaj me iniciale V. N., rreth 48 vjeç, me origjinë nga Bosnja dhe Hercegovina ndërroi jetë.
Një ditë më pas policia ka vënë në pranga shtetasin me iniciale D. H., 32 vjeç, me detyrë inxhinier i një firme ndërtimi, si dhe shpallën në kërkim shtetasit E. K., 34 vjeç, me detyrë administrator i firmës, dhe R. J., 75 vjeç, me detyrë drejtues teknik pasi shkelën rregullat e mbrojtjes në punë.
