Një video e mbërritur në redaksinë e JOQ Albania nga Allianz Arena në Mynih tregon edhe një herë praninë krenare të shqiptarëve në çdo cep të botës.
Gjatë finales së Champions League mes Paris Saint-Germain dhe Inter Milan, është filmuar një flamur kuqezi që valvitet në tribunat e stadiumit, duke sjellë emocione dhe krenari për çdo shqiptar.
Sa i përket ndeshjes, pjesa e parë është mbyllur me avantazhin 2-0 për PSG, ndërsa prej pak minutash ka nisur edhe pjesa e dytë.
Golat u shënuan nga Achraf Hakimi në minutën e 12-të dhe Désiré Doué në minutën e 20-të. Hakimi, ish-lojtar i Interit, shënoi pas një aksioni të bukur të nisur nga Vitinha dhe asistuar nga Doué.
Vetëm tetë minuta më vonë, Doué dyfishoi rezultatin me një goditje që u devijua nga Federico Dimarco, duke e lënë portierin Yann Sommer të pafuqishëm.
PSG dominoi pjesën e parë, ndërsa Interi duket se po përballet me vështirësi në këtë finale të rëndësishme.
