Një “punim absurd” është denoncuar nga qytetarët e Shijakut, ku vizat e bardha për kalimin e këmbësorëve nuk kanë asnjë lidhje logjike me infrastrukturën përreth.
Sipas denoncimit, nga njëra anë e rrugës, vijat përfundojnë direkt në një mur rreth 50 cm të lartë, që rrethon një lulishte, duke e bërë të pamundur përdorimin e vendkalimit nga këmbësorët.
Nga ana tjetër e rrugës ndodhet një segment i dedikuar për qarkullimin e automjeteve.
Qytetarët ngrejnë shqetësimin se ky vendkalim jo vetëm që nuk u shërben qytetarëve, por rrezikon edhe sigurinë e tyre, pasi krijon konfuzion dhe i ekspozon ndaj rrezikut nga mjetet në lëvizje.
Ata kërkojnë nga autoritetet vendore të marrin masa të menjëhershme për korrigjimin e këtij “vendkalimi” absurd, që është një shembull i qartë i punimeve pa vizion dhe pa kontroll.
Denoncimi i qytetarit:
Prsh joq kto jan vizat e bardha per te kaluar kembesoret qe jane bere ne shijak, si mund te kaloj nje kembesor duke hypur ne trrotuarin e lulishtes. Aty ku jan vizat e bardh muri eshte 1 meter i lart. Ndersa aty ku esht zotria afer fugonit policis eshte rrug makinash
