Një aksident tragjik është regjistruar në qytetin e Fierit, ku një këmbësor ka humbur jetën pasi u përplas nga një automjet.
Ngjarja ndodhi në vendin e njohur si “Zogu i Zi”, ku automjeti i drejtuar nga 23-vjeçari E.D. ka përplasur për vdekje shtetasin V.F., 82 vjeç.
I moshuari nuk mundi t’i mbijetojë plagëve të marra dhe ndërroi jetë menjëherë pas aksidentit. Drejtuesi i mjetit është shoqëruar nga policia për veprime të mëtejshme procedurale.
Grupi hetimor po vijon punën për zbardhjen e plotë të rrethanave dhe përcaktimin e shkakut të aksidentit.
