Një 19-vjeçar është plagosur me armë zjarri në Istog.
Rasti ka ndodhur në orat e para të mëngjesit, mësohet se gjendja e tij shëndetësore është stabile dhe jashtë rrezikut për jetë.
Lidhur me rastin është njoftuar edhe Policia e Kosovës.
Njësitet policore kanë dalë në vendin e ngjarjes, ku janë gjetur dhe sekuestruar prova materiale të cilat lidhen me incidentin.
Rasti është iniciuar si “Mbajtje në pronësi, kontroll ose posedim të paautorizuar të armëve” .
